Handbolti

Sjáðu Hjálmar leika Óla Stefáns, Dag Sig og Loga Geirs

Óskar Ófeigur Jónsson skrifar
Hjálmar Örn Jóhannsson í hlutverki sérfræðinganna í EM-stofunni.
Hjálmar Örn Jóhannsson í hlutverki sérfræðinganna í EM-stofunni. Skjámynd/S2 Sport

Handboltaþjálfarinn og fyrrum landsliðsfyrirliðinn Dagur Sigurðsson var gestur Guðmundar Benediktssonar og Hjálmars Arnar Jóhannssonar í síðasta þætti af „Þeir tveir“ sem er vikulegur íþróttaskemmtiþáttur á fimmtudagskvöldum á Stöð 2 Sport.

Dagur hafði verið í eldlínunni undanfarnar tvær vikur í EM-stofunni í Ríkissjónvarpinu þar sem hann hefur farið á kostum með þeim Ólafi Stefánssyni og Loga Geirssyni í greiningu á leikjum íslenska landsliðsins á Evrópumótinu í handbolta.

Gummi Ben og Hjammi notuðu tækifærið og settu saman stuttan og skemmtilegan grínþátt um EM-stofuna á RÚV þar sem var skotið aðeins á þáttinn sem kom á þó allt hrós skilið.

Guðmundur Benediktsson fékk reyndar bara eitt hlutverk en Hjálmar Örn tók aftur á móti að sér að leika alla þrjá sérfræðingana.

Með smá tæknibrellum varð úr sena þar sem Hjálmar lék þá Óla Stefáns, Dag Sig og Loga Geirs alla í einu.

Það má sjá þennan grínþátt hér fyrir neðan.

Klippa: Þeir tveir: EM-hornið

Þeir tveir er vikulegur íþróttaþáttur á léttu nótunum. Gummi Ben og Hjammi fara yfir fréttir vikurnar og bregða á leik með gestum.

EM karla í handbolta 2022 Þeir tveir

Mest lesið


Fleiri fréttir

Sjá meira


×

Mest lesið