Innlent

Skerðing hjá Strætó vegna sóttkvíar og einangrunar

Vésteinn Örn Pétursson skrifar
Fjöldi vagnstjóra í sóttkví eða einangrun veldur skerðingu á þjónustu, en vagnstjórar geta eðli málsins samkvæmt ekki unnið heima.
Fjöldi vagnstjóra í sóttkví eða einangrun veldur skerðingu á þjónustu, en vagnstjórar geta eðli málsins samkvæmt ekki unnið heima. Vísir/Vilhelm

Áætlun leiðar númer 3 hjá Strætó verður skert í dag, mánudag. Í stað þess að aka á 15 mínútna fresti yfir háannatímann verður ekið á hálftíma fresti allan daginn. Ástæðan er fjöldi vagnstjóra í sóttkví eða einangrun.

Þetta kemur fram í tilkynningu frá Guðmundi Heiðari Helgusyni, upplýsingafulltrúa Strætó. Þar segir að í stað ferða á korters fresti yfir háannatímann, frá 7 til 9 og frá 15 til 18, verði ekið á hálftíma fresti allan daginn.

„Gripið er til þessarar skerðingar vegna fjölda vagnstjóra hjá Strætó bs. sem eru í sóttkví eða einangrun vegna COVID-19.“

Þá hefur veiran einnig áhrif á leiðir númer 58 og 82 á Snæfellsnesi, en morgunferðir leiðanna verða felldar niður vegna manneklu. Nánar er hægt að fylgjast með öllum frávikum frá skipulögðum leiðum Strætó á heimasíðunni straeto.is.

Strætó Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið