Myndaveisla frá Extreme Chill-hátíðinni

Hátíðin fór fram á nokkrum mismunandi stöðum í miðborginni, í Hörpu (Kaldalón), á Húrra, Kex og í Space Odyssey.

Í ár kom mikill fjöldi listamanna fram á hátíðinni og má nefna Plaid (lesa viðtal HÉR), Roger Eno, Mixmaster Morris, BJARKI & Mathilde Caeyers, Ingibjörg Elsa Turchi, Kjartan Hólm, Hekla, Borgar Magnason O.fl. Extreme Chill er hátíð sem setur ávallt markmiðin hærra með hverju ári og hefur nú verið haldin bæði í Berlín og víða um land og hefur líka verið í samstarfi við ýmsar hátíðir bæði hérlendis og erlendis.

Pan Thorarensen og Guðrún Lárusdóttir er fólkið á bak við hátíðina og eiga þau heiður skilið fyrir frábæra upplifun! Dugnaður, kraftur og ástríða er það sem einkennir þessa flottu tónlistarhátíð. Margt var um manninn og mátti sjá bros úr hverju andliti. Extreme Chill er tónlistarhátíð á heimsmælikvarða!

Hér fyrir neðan má sjá glæsilegar ljósmyndir frá hátíðinni en myndirnar tóku Ómar Sverrisson og Pola Maria. 

Sjá nánar á Extremechill.org

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.