Vil­­borg Dag­bjarts­dótt­ir látin

Í æviágripi á vef Forlagsins segir svo frá að Vilborg fæddist á Hjalla á Vestdalseyri við Seyðisfjörð, þann 18. júlí árið 1930.

„Hún nam leiklist um skeið en lauk síðar kennaraprófi frá Kennaraskóla Íslands. Þá stundaði hún nám í bókasafnsfræði við Háskóla Íslands. Vilborg starfaði sem kennari við Austurbæjarskólann um langt árabil, meðfram ritstörfum, en drjúgur hluti höfundaverks hennar eru sögur handa börnum, þýddar og frumsamdar.“

Í grein Morgunblaðsins segir að Vil­borg hafi samið fjölda ljóða- og barna­bóka en auk þess þýtt hátt á fimmta tug barna- og ung­linga­bóka og rit­stýrt bók­um. Tvær ævi­sög­ur Vil­borg­ar hafa komið út: Mynd af konu, eft­ir Krist­ínu Mar­ju Bald­urs­dótt­ur, útg. 2000, og Úr þagn­ar­hyl, eft­ir Þor­leif Hauks­son, útg. 2011.

„Vil­borg var formaður Rit­höf­unda­fé­lags Íslands, sat í stjórn Stétt­ar­fé­lags ís­lenskra barna­kenn­ara, Rit­höf­unda­sam­bands Íslands og Menn­ing­ar- og friðarsam­taka ís­lenskra kvenna, tók þátt í und­ir­bún­ingi fyrstu Kefla­vík­ur­göng­unn­ar 1960, starfaði með Her­námsand­stæðing­um, var síðar einn af stofn­end­um Her­stöðva­and­stæðinga, var meðal brautryðjenda Nýju kven­frels­is­hreyf­ing­ar­inn­ar, átti þátt í stofn­un Rauðsokka­hreyf­ing­ar­inn­ar 1970 og ein af þrem­ur kon­um í fyrstu miðju Rauðsokka. Hún var heiðurs­fé­lagi Rit­höf­unda­sam­bands Íslands frá 1998, heiðurs­launa­hafi Alþing­is til lista­manna og var sæmd ridd­ara­krossi ís­lensku fálka­orðunn­ar fyr­ir fræðslu- og ritstörf 17.6. árið 2000.

Maður Vil­borg­ar var Þor­geir Þor­geir­son, f. 30.4. 1933, d. 30.10. 2003, kvik­mynda­gerðarmaður og rit­höf­und­ur. Son­ur þeirra er Þor­geir Elís, f. 1.5. 1962, eðlis­efna­fræðing­ur sem vinn­ur hjá Íslenskri erfðagrein­ingu. Son­ur Vil­borg­ar og Ásgeirs Hjör­leifs­son­ar, f. 13.1. 1937, fram­kvæmda­stjóra er Eg­ill Arn­ald­ur, f. 18.6. 1957, kenn­ari við Aust­ur­bæj­ar­skóla. Barna­börn­in eru fjög­ur.“

Vilborg var heiðruð af Reykjavíkurborg árið 2019 þar sem línur úr ljóðinu „Vetur“ voru  afhjúpaðar, ritaðar í stein, á torginu á horni Tryggvagötu og Pósthússtrætis. Þar var Vilborg sjálf viðstödd og tvö önnur skáld, Gerður Kristný og Sunna Dís Másdóttir, héldu tölu um skáldskap Vilborgar og fluttu ljóð eftir hana.

Vetur