Íslenski boltinn

Smit heillaði sérfræðinganna: „Versti staður fyrir markmann að fá boltann“

Sindri Sverrisson skrifar
Guy Smit hefur staðið sig vel í marki Leiknis og átt sinn þátt í ágætu gengi nýliðanna það sem af er sumri.
Guy Smit hefur staðið sig vel í marki Leiknis og átt sinn þátt í ágætu gengi nýliðanna það sem af er sumri. vísir/hulda margrét

Hollenski markvörðurinn Guy Smit átti stóran þátt í því að Víkingur tapaði í fyrsta sinn í sumar, með frábærum markvörslum fyrir Leiknismenn í Pepsi Max-deildinni í gærkvöld.

Í Pepsi Max stúkunni á Stöð 2 Sport skoðuðu Kjartan Atli Kjartansson og sérfræðingar hans hluta af markvörslum Smits í leiknum, sem Leiknir vann 2-1.

Smit var til að mynda fljótur á fætur eftir að hafa varið skot Karls Friðleifs Gunnarssonar og náði að slá skalla Erlings Agnarssonar. Síðar varði hann svo skalla Karls af stuttu færi:

„Þetta er frábær markvarsla. Þetta er versti staður fyrir markmann að fá boltann,“ sagði Þorkell Máni Pétursson. Jón Þór Hauksson tók undir:

„Sjáið hvað hann er „sharp“. Sjáið hvað hann er fljótur niður í síðasta skallanum sem hann ver, og hvað hann er fljótur upp þegar hann ver skallann frá Erlingi.“

Klippa: Stúkan: Markvörslur Guy Smit

Innslagið má sjá hér að ofan en leikurinn var í beinni útsendingu á Stöð 2 Sport og áskrifendur geta horft á hann allan á síðu Pepsi Max-deildarinnar í vefsjónvarpinu á stod2.is.

Pepsi Max-deild karla Leiknir Reykjavík Pepsi Max stúkan

Tengdar fréttir

„Sögðu okkur að vera graðari“

„Þetta var mjög mikilvægur sigur,“ sagði Sævar Atli Magnússon, fyrirliði Leiknis, eftir að liðið varð fyrst allra til að vinna Víking í sumar með 2-1 sigri í Breiðholti í kvöld, í 10. umferð Pepsi Max-deildarinnar í fótbolta.

Mest lesið


Fleiri fréttir

Sjá meira


×

Mest lesið