Fleiri fréttir af opnunum laxveiðiánna

Fyrstu laxarnir eru komnir á land í Grímsá sem opnaði í fyrradag og veiddist einn í Lækjarfossi og annar á Klöpp. Tveir stórlaxar slitu sig lausa í Strengjum og Laxfossi en lax sást á nokkrum stöðum á þyrsta degi. Fyrsti laxinn er kominn úr Laxá á Ásum og það kom engum á óvart að um vænan lax var að ræða. Næstu opnanir sem beðið er eftir eru til dæmis Elliðaárnar en þar er nokkuð síðan fyrstu laxarnir fóru að sýna sig, Langá á Mýrum opnar í dag og svo verður spennandi að sjá hvernig Víðidalsá, Vatnsdalsá og hinar árnar á norðurlandi koma út á fyrsta degi. 

Það er verið að horfa á hvernig staðan er í Miðfjarðará til samanburðar þrátt fyrir að sá samanburður hafi síðustu árin ekki verið sanngjarn því veiðin í Miðfjarðará hefur verið svo miklu betri en í hinum ánum á Norðurlandi en engu að síður gefur góð byrjun í Miðfirðinum væntingar um að göngur verði góðar.