Þórey Anna ekki meira með Valskonum á þessu tímabili

Valsmenn segja frá þessu á fésbókarsíðu sinni í dag en Valur handbolti sem og aðrir óska Þórey Önnu og fjölskyldu innilega til hamingju með þessar gleðifréttir.

Þórey er næstmarkahæsti leikmaður Vals á tímabilinu og hefur verið einn af lykilmönnum liðsins í vetur. Í frétt Valsmanna segir að hún muni koma sterk til baka á næsta tímabili.

Þórey Anna var með 4,7 mörk að meðaltali í tólf leikjum með Val í vetur en hún er meðal annars með 95 prósent vítanýtingu.

Það er mikið barnalán í Valsliðinu því línumennirnir Arna Sif Pálsdóttir og Hildur Björnsdóttir eiga líka von á barni og hafa ekkert spilað með liðinu eftir áramót.