Þrjár konur kosnar í stjórn SVFR

Aðalfundur SVFR var haldinn í gærkvöldi og eitt að aðalmálum fundarins var að kjósa um þrjú sæti af sex til stjórnar.

Í framboði voru fimm aðilar og þegar atkvæði í þessum fyrstu rafrænu kosningum félagsins voru talin voru það þrjár konur sem voru kosnar inn í stjórn félagsins. Staða stjórnar er þá á þann veg að stjórn skipa þrjár konur og þrír menn auk formanns sem er Jón Þór Ólason en hann var sjálfkjörinn Formaður félagsins til eins árs í viðbót.

Ragnheiður Thorsteinsson var kjörinn aftur í stjórn en nýju konurnar eru Lára Kristjánsdóttir og Helga Jónsdóttir. Marteinn Jónasson og Ólafur Finnbogason sitjandi stjórnarmaður sem gaf kost á sér áfram náðu ekki kjöri. Það vakti nokkra athygli að Ólafur var með fæst atkvæði.