Æft með Gurrý - 3. þáttur

Æfingar dagsins í þessum þriðja þætti af Æft með Gurrý eru fyrir hendur og kvið. Gurrý notar vatnsflöskur í æfigarnar en þeir sem eiga handlóð heima geta auðvitað notað þau. Í þessum æfingum vinnur hún með frekar léttar þyngdir og margar endurtekningar. Í myndbandi dagsins gerir hún hliðarlyftur, öfugt flug, mjaðmalyftur og fleira.

Eins og staðan er í dag eru margir fastir heima hjá sér og svo eru aðrir sem kjósa að vera ekki innan um aðra að æfa. Æft með Gurrý eru æfingamyndbönd sem flestallir ættu að geta gert, heima án þess að þurfa æfingabúnað. Myndböndin eru stutt, hnitmiðuð og þau virka. Þau ættu að duga fyrir langflesta

Þeir sem vilja meira krefjandi æfingu geta farið yfir myndbandið nokkrum sinnum. Á skjánum er niðurtalning svo þú getir fylgt Gurrý í æfingunum! Þátt þrjú má horfa á í heild sinni í spilaranum hér að neðan.

Gurrý þjálfari setti saman seríu af myndböndum þar sem farið er í æfingar sem henta vel heima fyrir, hvort sem það er í neyð eður ei. Myndböndin eru stutt og hnitmiðuð og eru byggð upp þannig að hægt er að endurtaka hvert um sig nokkrum sinnum til þess að ná góðri æfingu.

Fyrstu tvo þættina af æft með Gurrý má sjá hér fyrir neðan.