„Lífið er öðruvísi núna“

Friðrik Dór Jónsson mætti til Bítismanna í beina útsendingu í morgun og tók lagið vinsæla Fröken Reykjavík.

„Lífið er öðruvísi núna og meiri tími til að gera eitthvað annað en að koma fram,“ segir Friðrik Dór en eftir samkomubann hefur ekkert verið að gera hjá tónlistarmönnum og skemmtikröftum hér á landi.

„Þessar framkomur koma samt aftur, það er bara búið að færa þær,“ segir Frikki en hann eignaðist sitt annað barn fyrir fjórum mánuðum.

„Við erum svosem búin að vera nokkuð rólega síðustu fjóra mánuði. Konan er í orlofi og ég hef verið aðeins rólegri en undanfarið. Svo út af því breytist það ekki mikið, við erum bara áfram heima að taka því rólega með lilluna.“

Hann segist nýta þennan tíma í að semja nýja tónlist.

„Það er flott að fá tíma til þess,“ segir Frikki en eins og áður segir tók hann lagið og má sjá viðtalið og flutninginn hér að neðan.