Körfubolti

Haukur með fimmtán stig í tapi

Ísak Hallmundarson skrifar
Haukur Helgi átti fínan leik í dag.
Haukur Helgi átti fínan leik í dag. getty/Noelia Deniz

Haukur Helgi Pálsson skoraði fimmtán stig fyrir Andorra í tólf stiga tapi gegn Tenerife í spænsku úrvalsdeildinni í körfubolta. 

Haukur tók einnig fimm fráköst og gaf tvær stoðsendingar en hann spilaði þrjátíu mínútur í leiknum. 

Tenerife var fimm stigum yfir í hálfleik en vann síðan þriðja leikhluta með fimmtán stigum og fór með tuttugu stiga forystu í lokaleikhlutann. Andorra-menn gáfust ekki upp og náðu að minnka muninn niður í fimm stig á einum tímapunkti í fjórða leikhlutanum.

Tenerife fann taktinn aftur og unnu á endanum 93-81 sigur.

Andorra er í 10. sæti eftir leikinn en Tenerife er í öðru sæti í deildinni.

Spænski körfuboltinn

Mest lesið


Fleiri fréttir

Sjá meira


×

Mest lesið