Sveinn Aron til liðs við Selfyssinga

Sveinn Aron Sveinsson er genginn til liðs við Selfoss í Olís-deild karla í handbolta. Hann hefur ekkert spilað síðan hann var rekinn frá Val í nóvember á síðasta ári.

Hinn 27 ára gamli Sveinn Aron var rekinn frá Val eftir að hafa verið dæmdur til níu mánaðar fangelsisvistar fyrir líkamsárás. Hann snýr nú aftur í Olís deildina og mun leika með Selfyssingum er boltinn fer aftur að rúlla. Hlé er á deildinn um þessar mundir vegna kórónufaraldursins.

Hinn 27 ára gamli Sveinn Aron hefur leikið með allan sinn feril fyrir utan nokkra mánuði sem hann eyddi á láni hjá Aftureldingu. Hann varð til að mynda Íslands- og bikarmeistari með Val árið 2017.

Selfoss er í 5. sæti deildarinnar með fimm stig þegar fjórar umferðir eru búnar. Hefur liðið unnið tvo leiki og tapað tveimur.