Elvar Örn fór mikinn í góðum bikarsigri Skjern

Elvar Örn Jónsson fór mikinn í liði Skjern er það lagði SønderjyskEaf velli danska bikarnum með 33 mörkum gegn 27. Sveinn Jóhannsson lék með SønderjyskE.

Leikurinn var jafn framan af og mikið skorað strax frá fyrstu mínútu. Heimamenn í SønderjyskE höfðu þó yfirhöndina og voru einu til tveimur mörkum yfir þangað til gestirnir jöfnuðu metin í 8-8 um miðbik fyrri hálfleiks. Í kjölfarið fylgdi góður kafli hjá Skjern sem leiddi með tveimur mörkum í hálfleik, staðan 18-16 gestunum í vil.

Elvar Örn skoraði fyrsta mark síðari hálfleiks en liðið skoraði þá fjögur mörk í röð og lagði grunninn að góðum sigri. Mest náði liðið sjö marka forystu en vann á endanum leikinn með sex marka mun, 33-27.

Elvar Örn skoraði sex mörk, öll úr opnum leik. Sveinn skoraði tvö mörk fyrir SønderjyskE.