Handbolti

Gunnar Steinn framlengir í Danmörku

Anton Ingi Leifsson skrifar
Gunnar Steinn verður áfram í Danmörku.
Gunnar Steinn verður áfram í Danmörku. vísir/getty

Gunnar Steinn Jónsson hefur framlengt samning sinn við Ribe-Esbjerg í Danmörku um eitt ár og gildir samningurinn nú til sumarsins 2021.

Gunnar Steinn gekk í raðir danska liðsins fyrir núverandi leiktíð en Ribe-Esbjerg situr í sjötta sæti deildarinnar.

Fyrr á ferlinum hefur Gunnar Steinn spilað í Svíðþjóð með HK Drott og Kristianstad en eining hefur hann spilað með Gummersbach og Nantes.







„Ég er mjög glaður að vera áfram hluti af þessu spennandi verkefni sem er hér í gangi. Fyrir utan líður fjölskyldunni og mér sjálfum vel hérna svo þetta var létt ákvörðun,“ sagði Gunnar Steinn við heimasíðu félagsins.

Gunnar Steinn er ekki eini Íslendingurinn í Ribe-Esbjerg því Rúnar Kárason og Daníel Þór Ingason leika einnig með liðinu.

Danski handboltinn

Mest lesið


Fleiri fréttir

Sjá meira


×

Mest lesið