Sportpakkinn: Kannski senda þeir manni tóninn og það er bara gott

Sigurbjörn Bárðarson landsliðsþjálfari í hestaíþróttum valdi í dag 22 manna landsliðshóp.

„Þetta er gífurlega flottur hópur,“ segir landsliðsþjálfarinn. Sigurbjörn vann á sínum tíma 13 heimsmeistaratitla og státar af 127 Íslandsmeistaratitlum. Eru þeir ekki spældir sem komast ekki í liðið?

„Jú þeir naga á þröskuldinn með hnefann á lofti og telja sér misboðið að vera ekki í hópnum og það er hinn rétti andi. Kannski senda þeir manni tóninn og það er bara gott, það er keppnisskapið. Það eru margir sem eiga inngöngu inn í liðið, það er bara spurning hvernig gengið er á þeim tíma,“ sagði Sigurbjörn Bárðarson í samtali við Arnar Björnsson.

Sigurbjörn er ánægður með árangurinn í fyrra.

„Þetta var gífurlega góður árangur og besti árangur sem landsliðið hefur náð. Við vorum stolt með okkar lið á síðasta heimsmeistaramóti alveg til fyrirmyndar,“ sagði Sigurbjörn.

Fyrsta stóra verkefni landsliðsins er Norðurlandamót og svo styttist í næsta heimsmeistaramót.

„Heimsmeistaramótið er handan við hornið. Við höfum notað Norðurlandamótið til að sjá hver staðan er og bera okkur saman við Norðurlandaþjóðirnar. Við lítum á það mót sem forrétt. Við teflum ekki fram okkar sterkustu mönnum en reynum að gefa öðrum tækifæri,“ sagði Sigurbjörn.

Hvernig er það með gamlan keppnismann, hvort er skemmtilegra að velja liðið eða að vera í liðinu?

„Það var skemmtilegra að vera í liðinu ég var þar í langan tíma. Þetta eru fráhvarfseinkenni og minnka við að trappa sig niður og vera áfram með liðinu. Þannig að maður er í liðinu svona á ská,“ sagði Sigurbjörn.

Það má sjá allt viðtal Arnars Björnssonar við hann hér fyrir neðan.

A-landsliðshópur LH 2020:

Aðalheiður Anna Guðjónsdóttir, Hestamannafélaginu Herði

Árni Björn Pálsson, Hestamannafélaginu Fáki

Ásmundur Ernir Snorrason, Hestamannafélaginu Geysi

Bergþór Eggertsson, Þýskalandi

Guðmundur Björgvinsson, Hestamannafélaginu Geysi

Gústaf Ásgeir Hinriksson, Hestamannafélaginu Fáki

Hanna Rún Ingibergsdóttir, Hestamannafélaginu Sörla

Haukur Tryggvason, Þýskalandi

Helga Una Björnsdóttir, Hestamannafélaginu Þyt

Hinrik Bragason, Hestamannafélaginu Fáki

Hulda Gústafsdóttir, Hestamannafélaginu Fáki

Jakob Svavar Sigurðsson, Hestamannafélaginu Dreyra

Jóhann Skúlason, Danmörku

Konráð Valur Sveinsson, Hestamannafélaginu Fáki

OlilAmble, Hestamannafélaginu Sleipni

Ragnhildur Haraldsdóttir, Hestamannafélaginu Sleipni

Siguroddur Pétursson, Hestamannafélaginu Snæfellingi

Sigursteinn Sumarliðason, Hestamannafélaginu Sleipni

Teitur Árnason, Hestamannafélaginu Fáki

Viðar Ingólfsson, Hestamannafélaginu Fáki

Þórarinn Eymundsson, Hestamannafélaginu Skagfirðingi

Þórarinn Ragnarsson, Hestamannafélaginu Smára