Blikar fóru illa með FH-inga

Breiðablik vann öruggan sigur á FH, 1-4, í Skessunni í riðli 1 í Fótbolta.net mótinu í dag.

Blikar unnu alla þrjá leiki sína í riðli 1 með markatölunni 12-1. FH-ingar fengu hins vegar aðeins eitt stig í leikjunum þremur.

Öll mörkin komu í seinni hálfleik. Thomas Mikkelsen kom Blikum yfir með marki úr vítaspyrnu á 52. mínútu og fimm mínútum síðar bætti Benedikt Warén svo öðru marki við.

Guðmundur Kristjánsson minnkaði muninn í 1-2 fyrir FH á 62. mínútu en Gísli Eyjólfsson skoraði þriðja mark Breiðabliks tólf mínútu síðar.

Mikkelsen skoraði svo annað mark sitt og fjórða mark með skalla eftir hornspyrnu þegar níu mínútur voru til leiksloka.

Thomas stangar 4ja mark Blika í netið eftir hornnspyrnu. Staðan 1:4 Blikar.

— Blikar.is (@blikar_is) January 25, 2020

Fleiri urðu mörkin ekki og Blikar fögnuðu góðum sigri.