Risa dans- og afmælisveisla í Höllinni

GUS GUS, Dj Margeir, Club Dub, Aron Can, DJ SANSHINE, Herra Hnetusmjör og fleiri af vinsælustu tónlistarmönnum Íslands koma fram á Niceland Reykjavik micro music festival, stærstu dans-, afmælis- og gleðitónleikum ársins, sem fram fer í Laugardalshöll fimmtudagskvöldið 9. apríl.

GUS GUS er án efa eitt stærsta nafnið í danstónlistarheiminum í dag og hefur átt lög í toppsætum vinsældarlista í Evrópu síðustu ár. GUS GUS verður aðalnúmer kvöldsins og setur með tónleikunum upphafstóninn fyrir 25 ára afmælisárið en sveitin mun fagna afmælinu allt árið 2020. Áhorfendur sem hafa séð og upplifað GUS GUS á tónleikum segja með ólíkindum hversu vel þeir ná fólkinu með sér og sá andi sem skapist á uppákomum þeirra sé vandfundinn. GUS GUS kemur þarna fram í fyrsta sinn í langan tíma á Íslandi og verða tónleikar þeirra þetta kvöld það lang stærsta sem þau hafa sett á svið hér á landi hingað til.

Niceland Reykjavik micro music festival er einstakur tónlistarviðburður þar sem Laugardalshöllinni verður breytt í stærsta skemmtistað á Íslandi í samstarfi við Krombacher. Engu verður til sparað til að gera þessa veislu að einu því eftirminnilegasta í íslensku tónleika- og skemmtanalífi á árinu 2020. 

Þessi kynning er unnin í samstarfi við Teamwork Event.