Um hundrað látnir eftir aur­skriðu við námu í Mjanmar

Að minnsta kosti 96 hafa fundist látnir eftir að aurskriða varð við jaðanámu í Mjanmar í nótt. Fjölmargra er enn saknað og er áætlað að um tvö hundruð manns séu fastir í námunni vegna skriðunnar.

Námuna er að finna í Hpakan í Kachin-héraði í norðurhluta landsins. Erlendir fjölmiðlar segja aurskriðan hafi hrifsað með sér marga þá sem leituðu steina á jaðri námunnar.

„Bylgja leðju jarðaði þá,“ segir slökkvilið á staðnum, en skriðan kom um átta að morgni að staðartíma.

Stærstu jaðanámur heims er að finna í Mjanmar og nema árlegar tekjur af þeim um 31 milljarð dala. BBC segir frá því að hundruð þúsunda koma jafnan að námunum til að leita verðmætra steina í nánd við námurnar.