Anna Úrsúla hætt: „Síðustu hand­bolta­skórn­ir mín­ir komn­ir í ruslið“

Anna Úrsúla Guðmundsdóttir, ein sigursælasti leikmaður íslenska kvennahandboltans undanfarin ár, er hætt í handbolta en Anna Úrsúla tilkynnti þetta á Facebook-síðu sinni í gærkvöldi.

Anna spilaði ekkert á þessari leiktíð með Val en hún lék síðast með Val tímabilið 2018/2019 þar sem hún varð þrefaldur meistari með liðinu.

„Síðustu handboltaskórnir mínir komnir í ruslið. Tók mig ekki nema tæpt ár að sætta mig við það að ég hefði spilað minn síðasta leik, svolítið spes en kannski ekki skrýtið þar sem að handbolti hefur jú verið stór hluti af mínu lífi og lítið annað komist að. Þetta hefur verið yndisleg lífsreynsla og mig langaði bara að þakka öllum þeim sem að komu að henni- þið vitið hver þið eruð,“ skrifaði Anna á Facebook-síðu sína.

Hún varð sjö sinnum Íslandsmeistari á sínum ferli. Fimm sinnum með Val og tvisvar með Gróttu en þar að auki lék hún rúmlega hundrað landsleiki.