Um fjöru­tíu starf­smenn Land­spítalans í sótt­kví

Alls eru rúmlega fjörutíu starfsmenn Landspítalans í sóttkví og eru sex í einangrun. Nokkrir séu smitaðir.

Þetta kom fram í máli Páls Matthíassonar, forstjóra Landspítalans, á upplýsingafundi í samhæfingarstöð almannavarna í Skógarhlíð klukkan 14.

Páll segir að þessi fjöldi starfsmanna í sóttkví hafi skiljanlega áhrif á starfsemi spítalans, en brugðist hafi verið við til að láta hlutina ganga. Þá sé von á nokkrum starfsmönnum úr sóttkví og til vinnu á næstu dögum.

Páll segir Landspítalann vera að veita mikla klíníska þjónustu til fólks sem hafi smitast af veirunni. Markmið sé að tryggja öryggi fólks en jafnframt halda því í burtu og heima ef það þarf ekki að koma.