Rafmagnslaust víða á Norðurlandi

Rafmagnslaust er víða á Norðurlandi og Norðurlandi eystra vegna veðursins sem gengur yfir landið. 

Víða er verið að leita að bilun fyrir norðan, meðal annars í Skagafirði þar sem rafmagnslaust er meðal annars á Sauðárkróki. Sömuleiðis er truflun í gangi í landskerfinu á Dalvík, Ólafsfirði og Siglufirði. Unnið er að því að byggja upp kerfið.

Rafmagnsbilun er í gangi frá Ystu-Vík og suður að Víkurskarði og er verið að leita að bilun. Rafmagnsbilun hefur verið í Öxarfirði milli Núpa og Ekru frá því í morgun og er enn verið er að leita að bilun.

Nánari upplýsingar á heimasíðu RARIK og í Vaktinni á Vísi.