Tilvísun í upplýsingalög fjarlægð úr persónuverndaryfirlýsingu RÚV Sylvía Hall skrifar 2. desember 2019 20:45 Í fyrri útgáfu persónuverndaryfirlýsingarinnar var vísað til skyldu stofnunarinnar til þess að birta lista yfir umsækjendur í auglýst störf. Því hefur verið breytt. Vísir/Vilhelm Uppfært 22:30 Breyting hefur orðið á persónuverndaryfirlýsingu RÚV í dag og er nú hvergi kveðið á um skyldu stofnunarinnar til þess að birta nöfn, heimilisföng og starfsheiti þeirra umsækjenda sem sækja um auglýst störf. Var áður tekið þar fram að sú skylda væri komin til vegna upplýsingalaga sem gilda um stofnunina.Fjallað var um málið á Vísi í morgun þar sem vísað var til fyrrnefndrar skyldu í ljósi þeirrar ákvörðunar stjórnar RÚV að birta ekki lista yfir umsækjendur um stöðu útvarpsstjóra. Á þeim tíma er fréttin var skrifuð kom skýrt fram í persónuverndaryfirlýsingunni að RÚV væri skylt að birta slíkar upplýsingar um umsækjendur. Skjáskot af texta í persónuverndaryfirlýsingu RÚV sem hefur nú verið breytt. Í uppfærðri útgáfu persónuverndaryfirlýsingarinnar hefur þessum lið verið breytt og ekki vikið að skyldu stofnunarinnar til þess að birta listann. Nú segir að RÚV kunni að „áskilja sér rétt í tengslum við ráðningar í ákveðnar stjórnunarstöður að birta lista yfir umsækjendur“. Þeim lið persónuverndaryfirlýsingarinnar sem vísaði í upplýsingalög og skyldu til birtingar listans hefur nú verið breytt.Skjáskot af vef rúv Þá er hvergi minnst á upplýsingalög í nýrri útgáfu yfirlýsingarinnar en samkvæmt lögum um Ríkisútvarpið gilda upplýsingalög um starfsemi þess. Ráðherra vill svör Ákvörðun stjórnarinnar hefur vakið mikla athygli en að sögn Kára Jónassonar, formanns stjórnar RÚV, var ákvörðunin tekin eftir ráðleggingar frá ráðgjafafyrirtækinu Capacent. Á þetta að vera til þess fallið að fá betri umsækjendur. Lilja Alfreðsdóttir, mennta- og menningarmálaráðherra, sendi stjórn Ríkisútvarpsins bréf þann 28. nóvember þar sem hún óskaði eftir skýringum á ákvörðuninni. Hún segir eðlilegt að fullt gagnsæi ríki um ferlið þar sem Ríkisútvarpið standi almenningi í landinu mjög nærri. Lilja Alfreðsdóttir menntamálaráðherra.Vísir/vilhelm „Formlegur vettvangur málsins er hjá stjórn RÚV. Ég hef hins vegar sem ráðherra fjölmiðla í landinu sent stjórn RÚV bréf þess efnis þar sem ég óska eftir skýringum hvernig standi á því að það sé ekki og það ríkir ekki fullt gagnsæi um listann.“ Á meðal þeirra sem hafa einnig gagnrýnt ákvörðun stjórnarinnar er Helga Vala Helgadóttir, þingmaður Samfylkingarinnar. Hún segist ekki telja að stjórn RÚV sé heimilt samkvæmt lögum að birta ekki lista yfir umsækjendur en í lögum um Ríkisútvarpið kemur skýrt fram að starfsemi stofnunarinnar falli undir upplýsingalög. „Samkvæmt lögum um ríkisútvarpið þá gilda upplýsingalög um starfsemi þess, en rík ástæða var fyrir því og um það fjallað í greinargerð með frumvarpinu. Ástæðan er sú að þessu opinbera hlutafélagi er ætlað að veita útvarpsþjónustu í almannaþágu. Því var tekin ákvörðun um að hafa þetta ákvæði um upplýsingalög sérstaklega inni í þessu tilviki, en ekki öllum opinberum hlutafélögum.“ Fréttastofa náði tali af Margréti Magnúsdóttur, starfandi útvarpsstjóra, sem óskaði eftir því að fá skriflega fyrirspurn. 1. Hvers vegna var persónuverndaryfirlýsingunni breytt í morgun? Það stendur að hún hafi verið uppfærð í dag og í fyrri útgáfu kom skýrt fram að RÚV væri skylt að birta lista yfir umsækjendur í störf sem væru auglýst. „Stjórn RÚV ákvað á fundi sínum, dags. 13. nóvember sl., að birta ekki nöfn umsækjenda um starf útvarpsstjóra. Ákvörðunin byggði á því sjónarmiði að líkur stæðu til þess að fleiri hæfir umsækjendur, þ.m.t. fólk í stöðum annars staðar, myndu sækja um ef listinn væri ekki birtur opinberlega. Stjórn Ríkisútvarpsins taldi þetta sjónarmið málefnalegt. Fyrir liggur að samkvæmt lögum ber Ríkisútvarpið ekki að birta nöfnin. Þegar þessi vilji stjórnar Ríkisútvarpsins lá fyrir var gengið úr skugga um að slíkt stæðist út frá lögfræðilegu sjónarmiði. Í tengslum við þessa skoðun kom í ljós að fullyrðing í persónuverndaryfirlýsingu RÚV stóðst ekki og því var ákveðið að breyta henni til samræmis við lögfræðilegt mat. Það er ástæðan fyrir því að þessu var breytt í dag.“Varðandi það hvort að ákvörðun stjórnarinnar að birta ekki lista yfir umsækjendur væri í samræmi við ákvæði laga um Ríkisútvarpið og ákveði upplýsingalaga, þar sem skýrt kemur fram að upplýsingalögin gildi um RÚV, segir Margrét að fram komi í upplýsingalögum að „skylt sé að veita nánar tilgreindar upplýsingar „sem varða opinbera starfsmenn“, þar á meðal nöfn og starfsheiti umsækjenda um starf, þegar umsóknarfrestur er liðinn.“ Hún segir að hið sama sé ekki að finna í þeim greinum laganna sem varði starfsmenn lögaðila sem falli undir lögin. Slíkt eigi við um Ríkisútvarpið. Því verði að draga þá ályktun að Ríkisútvarpið sé ekki lögskylt að birta umræddan lista. „Má raunar draga í efa hvort Ríkisútvarpið væri það yfir höfuð heimilt án skýrrar lagaheimildar ella að slíkt hefði sérstaklega verið áskilið í auglýsingu um stöðuna, þ.m.t. vegna persónuverndarsjónarmiða,“ segir í svari Margrétar. Þá segir hún að fyrirspurn varðandi málið hafi borist frá Mennta- og menningarmálaráðherra á föstudaginn. Henni hafi verið svarað í dag. Fjölmiðlar Persónuvernd Ráðning útvarpsstjóra Tengdar fréttir Lilja vill svör um pukur Ríkisútvarpsins Mennta- og menningarmálaráðherra hefur sent stjórn Ríkisútvarpsins bréf þar sem hún óskar eftir skýringum á því hvers vegna listi yfir umsækjendur útvarpsstjóra verður ekki birtur. 2. desember 2019 16:00 Talið fullvíst að næsti útvarpsstjóri verði kona Helsti samkvæmisleikurinn nú er að spá í hver verður næsti útvarpsstjóri. 5. nóvember 2019 09:30 RÚV auglýsir stöðu útvarpsstjóra Stjórn RÚV hefur nú formlega auglýst starf útvarpsstjóra laust til umsóknar. Auglýsing þess efnis birtist í helgarblaði Fréttablaðsins í dag. Magnús Geir Þórðarson, fráfarandi útvarpsstjóri, hefur verið skipaður næsti Þjóðleikhússtjóri af Lilju Alfreðsdóttur mennta- og menningarmálaráðherra. 16. nóvember 2019 12:42 RÚV skylt að birta nöfn umsækjenda samkvæmt persónuverndaryfirlýsingu Frestur til þess að sækja um stöðu útvarpsstjóra rennur út í dag. Athygli hefur vakið að stjórn RÚV ákvað í síðustu viku að birta ekki lista yfir umsækjendur um stöðuna. 2. desember 2019 09:10 Mest lesið „Fyrst hélt ég að þetta væri eitthvað grín“ Innlent „Viltu ekki tala við mig eins og ég sé gamalmenni“ Innlent „Við þrífumst ekki til lengdar ein“ Innlent „Í guðanna bænum höldum vöku okkar við aksturinn" Innlent Þrír látnir eftir skotárás í Uppsölum Erlent Allt í rugli á Rauðahafi Erlent Von á allhvössum vindi og rigningu Veður Hraðbankinn enn ekki látinn í friði Innlent Ný stjórn Ríkisútvarpsins kjörin Innlent Vill taka upp stöðvarskyldu tveimur árum eftir að hún var afnumin Innlent Fleiri fréttir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangelsi síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Sjá meira
Uppfært 22:30 Breyting hefur orðið á persónuverndaryfirlýsingu RÚV í dag og er nú hvergi kveðið á um skyldu stofnunarinnar til þess að birta nöfn, heimilisföng og starfsheiti þeirra umsækjenda sem sækja um auglýst störf. Var áður tekið þar fram að sú skylda væri komin til vegna upplýsingalaga sem gilda um stofnunina.Fjallað var um málið á Vísi í morgun þar sem vísað var til fyrrnefndrar skyldu í ljósi þeirrar ákvörðunar stjórnar RÚV að birta ekki lista yfir umsækjendur um stöðu útvarpsstjóra. Á þeim tíma er fréttin var skrifuð kom skýrt fram í persónuverndaryfirlýsingunni að RÚV væri skylt að birta slíkar upplýsingar um umsækjendur. Skjáskot af texta í persónuverndaryfirlýsingu RÚV sem hefur nú verið breytt. Í uppfærðri útgáfu persónuverndaryfirlýsingarinnar hefur þessum lið verið breytt og ekki vikið að skyldu stofnunarinnar til þess að birta listann. Nú segir að RÚV kunni að „áskilja sér rétt í tengslum við ráðningar í ákveðnar stjórnunarstöður að birta lista yfir umsækjendur“. Þeim lið persónuverndaryfirlýsingarinnar sem vísaði í upplýsingalög og skyldu til birtingar listans hefur nú verið breytt.Skjáskot af vef rúv Þá er hvergi minnst á upplýsingalög í nýrri útgáfu yfirlýsingarinnar en samkvæmt lögum um Ríkisútvarpið gilda upplýsingalög um starfsemi þess. Ráðherra vill svör Ákvörðun stjórnarinnar hefur vakið mikla athygli en að sögn Kára Jónassonar, formanns stjórnar RÚV, var ákvörðunin tekin eftir ráðleggingar frá ráðgjafafyrirtækinu Capacent. Á þetta að vera til þess fallið að fá betri umsækjendur. Lilja Alfreðsdóttir, mennta- og menningarmálaráðherra, sendi stjórn Ríkisútvarpsins bréf þann 28. nóvember þar sem hún óskaði eftir skýringum á ákvörðuninni. Hún segir eðlilegt að fullt gagnsæi ríki um ferlið þar sem Ríkisútvarpið standi almenningi í landinu mjög nærri. Lilja Alfreðsdóttir menntamálaráðherra.Vísir/vilhelm „Formlegur vettvangur málsins er hjá stjórn RÚV. Ég hef hins vegar sem ráðherra fjölmiðla í landinu sent stjórn RÚV bréf þess efnis þar sem ég óska eftir skýringum hvernig standi á því að það sé ekki og það ríkir ekki fullt gagnsæi um listann.“ Á meðal þeirra sem hafa einnig gagnrýnt ákvörðun stjórnarinnar er Helga Vala Helgadóttir, þingmaður Samfylkingarinnar. Hún segist ekki telja að stjórn RÚV sé heimilt samkvæmt lögum að birta ekki lista yfir umsækjendur en í lögum um Ríkisútvarpið kemur skýrt fram að starfsemi stofnunarinnar falli undir upplýsingalög. „Samkvæmt lögum um ríkisútvarpið þá gilda upplýsingalög um starfsemi þess, en rík ástæða var fyrir því og um það fjallað í greinargerð með frumvarpinu. Ástæðan er sú að þessu opinbera hlutafélagi er ætlað að veita útvarpsþjónustu í almannaþágu. Því var tekin ákvörðun um að hafa þetta ákvæði um upplýsingalög sérstaklega inni í þessu tilviki, en ekki öllum opinberum hlutafélögum.“ Fréttastofa náði tali af Margréti Magnúsdóttur, starfandi útvarpsstjóra, sem óskaði eftir því að fá skriflega fyrirspurn. 1. Hvers vegna var persónuverndaryfirlýsingunni breytt í morgun? Það stendur að hún hafi verið uppfærð í dag og í fyrri útgáfu kom skýrt fram að RÚV væri skylt að birta lista yfir umsækjendur í störf sem væru auglýst. „Stjórn RÚV ákvað á fundi sínum, dags. 13. nóvember sl., að birta ekki nöfn umsækjenda um starf útvarpsstjóra. Ákvörðunin byggði á því sjónarmiði að líkur stæðu til þess að fleiri hæfir umsækjendur, þ.m.t. fólk í stöðum annars staðar, myndu sækja um ef listinn væri ekki birtur opinberlega. Stjórn Ríkisútvarpsins taldi þetta sjónarmið málefnalegt. Fyrir liggur að samkvæmt lögum ber Ríkisútvarpið ekki að birta nöfnin. Þegar þessi vilji stjórnar Ríkisútvarpsins lá fyrir var gengið úr skugga um að slíkt stæðist út frá lögfræðilegu sjónarmiði. Í tengslum við þessa skoðun kom í ljós að fullyrðing í persónuverndaryfirlýsingu RÚV stóðst ekki og því var ákveðið að breyta henni til samræmis við lögfræðilegt mat. Það er ástæðan fyrir því að þessu var breytt í dag.“Varðandi það hvort að ákvörðun stjórnarinnar að birta ekki lista yfir umsækjendur væri í samræmi við ákvæði laga um Ríkisútvarpið og ákveði upplýsingalaga, þar sem skýrt kemur fram að upplýsingalögin gildi um RÚV, segir Margrét að fram komi í upplýsingalögum að „skylt sé að veita nánar tilgreindar upplýsingar „sem varða opinbera starfsmenn“, þar á meðal nöfn og starfsheiti umsækjenda um starf, þegar umsóknarfrestur er liðinn.“ Hún segir að hið sama sé ekki að finna í þeim greinum laganna sem varði starfsmenn lögaðila sem falli undir lögin. Slíkt eigi við um Ríkisútvarpið. Því verði að draga þá ályktun að Ríkisútvarpið sé ekki lögskylt að birta umræddan lista. „Má raunar draga í efa hvort Ríkisútvarpið væri það yfir höfuð heimilt án skýrrar lagaheimildar ella að slíkt hefði sérstaklega verið áskilið í auglýsingu um stöðuna, þ.m.t. vegna persónuverndarsjónarmiða,“ segir í svari Margrétar. Þá segir hún að fyrirspurn varðandi málið hafi borist frá Mennta- og menningarmálaráðherra á föstudaginn. Henni hafi verið svarað í dag.
Fjölmiðlar Persónuvernd Ráðning útvarpsstjóra Tengdar fréttir Lilja vill svör um pukur Ríkisútvarpsins Mennta- og menningarmálaráðherra hefur sent stjórn Ríkisútvarpsins bréf þar sem hún óskar eftir skýringum á því hvers vegna listi yfir umsækjendur útvarpsstjóra verður ekki birtur. 2. desember 2019 16:00 Talið fullvíst að næsti útvarpsstjóri verði kona Helsti samkvæmisleikurinn nú er að spá í hver verður næsti útvarpsstjóri. 5. nóvember 2019 09:30 RÚV auglýsir stöðu útvarpsstjóra Stjórn RÚV hefur nú formlega auglýst starf útvarpsstjóra laust til umsóknar. Auglýsing þess efnis birtist í helgarblaði Fréttablaðsins í dag. Magnús Geir Þórðarson, fráfarandi útvarpsstjóri, hefur verið skipaður næsti Þjóðleikhússtjóri af Lilju Alfreðsdóttur mennta- og menningarmálaráðherra. 16. nóvember 2019 12:42 RÚV skylt að birta nöfn umsækjenda samkvæmt persónuverndaryfirlýsingu Frestur til þess að sækja um stöðu útvarpsstjóra rennur út í dag. Athygli hefur vakið að stjórn RÚV ákvað í síðustu viku að birta ekki lista yfir umsækjendur um stöðuna. 2. desember 2019 09:10 Mest lesið „Fyrst hélt ég að þetta væri eitthvað grín“ Innlent „Viltu ekki tala við mig eins og ég sé gamalmenni“ Innlent „Við þrífumst ekki til lengdar ein“ Innlent „Í guðanna bænum höldum vöku okkar við aksturinn" Innlent Þrír látnir eftir skotárás í Uppsölum Erlent Allt í rugli á Rauðahafi Erlent Von á allhvössum vindi og rigningu Veður Hraðbankinn enn ekki látinn í friði Innlent Ný stjórn Ríkisútvarpsins kjörin Innlent Vill taka upp stöðvarskyldu tveimur árum eftir að hún var afnumin Innlent Fleiri fréttir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangelsi síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Sjá meira
Lilja vill svör um pukur Ríkisútvarpsins Mennta- og menningarmálaráðherra hefur sent stjórn Ríkisútvarpsins bréf þar sem hún óskar eftir skýringum á því hvers vegna listi yfir umsækjendur útvarpsstjóra verður ekki birtur. 2. desember 2019 16:00
Talið fullvíst að næsti útvarpsstjóri verði kona Helsti samkvæmisleikurinn nú er að spá í hver verður næsti útvarpsstjóri. 5. nóvember 2019 09:30
RÚV auglýsir stöðu útvarpsstjóra Stjórn RÚV hefur nú formlega auglýst starf útvarpsstjóra laust til umsóknar. Auglýsing þess efnis birtist í helgarblaði Fréttablaðsins í dag. Magnús Geir Þórðarson, fráfarandi útvarpsstjóri, hefur verið skipaður næsti Þjóðleikhússtjóri af Lilju Alfreðsdóttur mennta- og menningarmálaráðherra. 16. nóvember 2019 12:42
RÚV skylt að birta nöfn umsækjenda samkvæmt persónuverndaryfirlýsingu Frestur til þess að sækja um stöðu útvarpsstjóra rennur út í dag. Athygli hefur vakið að stjórn RÚV ákvað í síðustu viku að birta ekki lista yfir umsækjendur um stöðuna. 2. desember 2019 09:10