Sportpakkinn: Viggó samdi við Wetzlar

Viggó Kristjánsson hefur færst sig um set í þýsku úrvalsdeildinni í handbolta en hann mun spila með Wetzlar það sem eftir er tímabils.

Viggó kom til Leipzig í sumar eftir að hafa slegið í gegn með Westwien í Austurríki.

Guðjón Guðmundsson gerði félagsskiptunum góð skil í Sportpakkanum.

Leipzig er með þrjá örvhenta leikmenn á sínum snærum og þegar Wetzlar spurðist fyrir um Viggó ákvað hann að slá til og semja við Wetzlar út þessa leiktíð til þess að fá meiri spilatíma í deild þeirra bestu.

Viggó er ekki fyrsti Íslendingurinn sem spilar með Wetzlar. Sigurður Bjarnason, Róbert Sighvatsson, Gunnar Berg Viktorsson, Kári Kristján Kristjánsson og Fannar Friðgeirsson hafa allir leikið með liðinu.