Helgi búinn að semja við Víking

Helgi Guðjónsson mun spila með Víkingi á næsta tímabili, en hann samdi við félagið til tveggja ára í kvöld.

Helgi er tvítugur og kemur frá Fram þar sem hann skoraði 19 mörk í 25 leikjum í sumar. Hann varð annar af markakóngum Inkassodeildarinnar í sumar með 15 mörk og lykilmaður í liði Fram.

Víkingar hafa verið með augastað á Helga í svolítinn tíma og er félagið loksins búið að ganga frá samningum við leikmanninn unga.

Víkingur náði bikarmeistaratitli í sumar og endaði í 7. sæti Pepsi Max deildarinnar.

Knattspyrnudeild Víkings hefur samið við Helga Guðjónsson um að leika með félaginu næstu tvö árin.

Helgi er tvítugur framherji og skoraði 19 mörk í 25 leikjum fyrir Fram í deild og bikar á liðinni leiktíð.

Velkominn í Víkina Helgi!

pic.twitter.com/rQufuRZcJd

— Víkingur FC (@vikingurfc) September 30, 2019