Steindi kominn með leikstjóra

„Jæja þá er ég loksins búinn að finna leikstjóra fyrir trúarlegu gay vampíru sprautuklám-thrillerinn ÞORSTA,“ segir leikarinn Steinþór Hróar Steinþórsson í færslu á Twitter en athygli vakti þegar Steindi auglýsti eftir leikstjóra inni á Facebook-síðunni Vinna með litlum fyrirvara.

Steindi stendur í ströngu þessa dagana og vinnur greinilega að kvikmynd í fullri lengd.

„Hún heitir Kristín (og var að hætta hjá Frón) og hefur séð mjög margar hryllingsmyndir. Djöfull er gaman að framleiða bíómynd! Það eru góð vibes í gangi,“ segir Steindi á Twitter.

Ekki nóg með að vera framleiða kvikmynd þá er Steindi að fara af stað með þættina Góðir landsmenn á Stöð 2 á næstunni.

Jæja þá er ég loksins búinn að finna leikstjóra fyrir trúarlegu gay vampíru sprautuklám-thrillerinn ÞORSTA. Hún heitir Kristín (og var að hætta hjá Frón) og hefur séð mjög margar hryllingsmyndir. Djöfull er gaman að framleiða bíómynd! Það eru góð vibes í gangi. pic.twitter.com/yVoSFbMvNT

— Steindi jR (@SteindiJR) September 10, 2019