Ný Dior-aug­lýsing með Johnny Depp var fjar­lægð nokkrum klukku­tímum eftir frum­sýningu

Franska tískuhúsið Dior hefur verið sakað um kynþáttafordóma vegna nýrrar auglýsingar fyrir ilmvatnið Sauvage þar sem leikarinn Johnny Depp er í forgrunni.

Dior birti auglýsinguna á netinu á föstudag en hún var fjarlægð aðeins nokkrum klukkustundum síðar.

Í auglýsingunni mátt sjá frumbyggja í Bandaríkjunum dansa á meðan Johnny Depp leikur á gítar og kveikir varðeld í eyðimörkinni.

Þeir sem gagnrýndu þessa auglýsingu bentu á að franska orðið Sauvage megi þýða sem villimann, sem hefur í gegnum söguna verið notað til að lýsa indíánum í Bandaríkjunum á niðrandi hátt.

Margir hafa lýst andúð sinni á þessari auglýsingu og segja hana til marks um fáfræði Dior-fyrirtæksins.

Dior lýsti auglýsingu á Twitter en þar sagði fyrirtækið að um væri að ræða ósvikið ferðalag djúpt inn sál frumbyggja á helgu og veraldlegu svæði. Sagðist Dior hafa ráðfært sig við frumbyggja við gerð þessarar auglýsingar og að markmiðið með henni hefði verið að fræða fólk um gildi og speki innfæddra.