Enski boltinn

27 ár frá fyrsta leiknum og markinu í ensku úrvalsdeildinni

Anton Ingi Leifsson skrifar
Mark Hughes, í miðjunni, skoraði mark Manchester United í leiknum.
Mark Hughes, í miðjunni, skoraði mark Manchester United í leiknum. vísir/getty
Í dag eru 27 ár frá því að enska úrvalsdeildin hóf göngu sína en hún hefur síðan þá verið í þeirri mynd sem hún er í dag.

Þá voru þó 22 lið í deildinni en fyrsti leikurinn fór fram milli á Sheffield United og Manchester United. Fyrsta mark deildarinnar skoraði Brian Dean með skalla er hann kom Sheffield United yfir.

Fyrsta markið kom strax á 5. mínútu en Deane var aftur á ferðinni á 50. mínútu er hann tvöfaldaði forystu Sheffield United.







Mark Hughes, fyrrum stjóri Stoke og fleiri liða, minnkaði muninn á 61. mínútu eftir langa spyrnu Peter Schmeichel. Lokatölur urðu 2-1 sigur Sheffield United.

United hefur síðan þá unnið ensku úrvalsdeildina þrettán sinnum og er sigursælasta liðið í ensku úrvalsdeildinni, í þeirri mynd sem hún er í dag.

Það er gaman að segja frá því að 27 árum síðar er Sheffield United komið á nýjan leik í ensku úrvalsdeildina en þeir tryggðu sér upp úr ensku B-deildinni á síðustu leiktíð.

Þeir gerðu jafntefli við Bournemouth á útivelli í fyrstu umferðinni og mæta Crystal Palace á heimavelli um helgina.







Bretland England Enski boltinn

Mest lesið


Fleiri fréttir

Sjá meira


×

Mest lesið