Kvöldfréttir Stöðvar 2

Varaformaður Félags eldri borgara segir að til greina komi að hluti stjórnarinnar segi af sér vegna mistaka í tengslum við byggingu íbúða fyrir félagsmenn að Árskógum. Hún segir ljóst að félagið muni ekki standa af sér dómsmál ef til þess komi. Fjallað verður um málið í kvöldfréttum Stöðvar 2.

Einnig verður sagt frá sumarfundi Ríkisstjórnarinnar í Mývatnssveit, rætt við dómsmálaráðherra sem ætlar að beita sér fyrir því að börn geti átt tvær mæður í opinbera kerfinu og fjallað frekar um slæma stöðu innanlandsflugs.

Við hitum upp fyrir tónleika Ed Sheeran á laugardag og frumsýnum hinsegin strætó sem er prýddur myndum af þekktum hinsegin Íslendingum.

Þetta og margt fleira í þéttum fréttapakka á samtengdum rásum Stöðvar 2, Bylgjunnar og Vísis kl. 18:30