Sjáðu sigurmark Óskars og mörkin tvö á Greifavellinum

Þrjú mörk voru skoruð í leikjum dagsins í Pepsi Max-deild karla en sjötta umferðin hófst í dag.

Fyrsti leikur dagsins endaði með markalausu jafntefli er HK og Grindavík skildu jöfn í tíðindalitlum leik í Kórnum. Nýliðarnir með fimm stig en Grindavík níu.

KA vann annan leikinn í röð er liðið vann 2-0 sigur á botnliði ÍBV fyrir norðan. Daníel Hafsteinsson og Nökkvi Þeyr Þórisson skoruðu mörkin.

Síðasti leikur dagsins fór svo fram í Laugardalnum þar sem Víkingar leika heimaleiki sína en þeir töpuðu í kvöld 1-0 gegn KR. Óskar Örn Hauksson skoraði eina markið á fimmtu mínútu.

Öll þrjú mörk dagsins má sjá í upphafi myndbandsins hér að ofan.