HK áfram í deild þeirra bestu

HK heldur sæti sínu í Olísdeild kvenna eftir sigur á Fylki í umspilinu um laust sæti í deild þeirra bestu.

HK endaði í 7. sæti í Olísdeildinni í vetur og fór því í umspilið. Kópavogskonur þurftu fjóra leiki til þess að vinna Fylki en leikurinn í kvöld fór 26-23 fyrir HK.

Valgerður Ýr Þorsteinsdóttir og Elna Ólöf Guðjónsdottir skoruðu fimm mörk fyrir HK hvor en Hrafnhildur Irma Jónsdóttir fór á kostum í liði Fylkis og skoraði átta mörk.

HK vann því einvígið 3-1 og verður í Olísdeildinni næsta haust.