Körfubolti

Draumalið Duke úr leik í háskólakörfunni

Henry Birgir Gunnarsson skrifar
Zion svekktur á bekknum með félögum sínum.
Zion svekktur á bekknum með félögum sínum. vísir/getty
Zion Williamson og félagar í körfuboltaliði Duke komust ekki í undanúrslitin í háskólakörfunni en liðið tapaði, 68-67, gegn Michigan State í nótt.

Flestir spáðu því að Duke myndi fara alla leið í NCAA-mótinu en Duke lifði á lyginni í fyrstu leikjunum en slapp ekki með skrekkinn í nótt.

Hér má sjá sigurkörfu leiksins.





RJ Barett hefði getað jafnað fyrir Duke af vítalínunni en brást bogalistin. Spartans náði svo að klára síðustu sekúndur leiksins.





Liðin sem eru komin í undanúrslitin eru Michigan State, Virginia, Texas Tech og Auburn.

Það var þungt yfir Zion eftir leikinn enda veit hann að þetta lið mun aldrei spila aftur saman. Hann er ekki enn búinn að gefa það formlega út að hann fari í nýliðaval NBA-deildarinnar í sumar en mun gera það. Það er nánast pottþétt að hann verður valinn fyrstur.

Hann skoraði 24 stig og tók 14 fráköst í nótt. Hann skoraði 104 stig á mótinu og er fyrsti nýliðinn sem fer yfir 100 stig síðan Derrick Rose gerði það árið 2008.

Körfubolti

Mest lesið


Fleiri fréttir

Sjá meira


×

Mest lesið