Krefjast nýrra kosninga eftir valdatap

Raceep Tayyip Erdogan, forseti Tyrklands, og flokkur hans AK, mun krefjast þess að kosið verði að nýju í Istanbúl sagði fulltrúi flokksins eftir að krafa hans um endurtalningu atkvæða í borginni var hafnað. Talningar á atkvæðum í sveitastjórnarkosningum sem fóru fram 31. mars síðastliðinn voru flokknum í óhag.  

Frá þessu greinir Reuters á vef sínum.

Úrslit kosninganna voru á þá leið að CHP-flokkurinn sigraði með um 70.000 atkvæðum, sem mun binda enda á 25 ára stjórn AK-flokksins í borginni.

Frá kosningum hefur AK-flokkurinn óskað ítrekað eftir endurtalningu en kjörstjórnin (YSK) hefur hafnað óskum AK-flokksins um að telja að nýju í 31 kjördæma Istanbúl.

Samþykkt var að endurtelja atkvæði úr aðeins 51 kjörkassa sem voru dreifðir á milli 21 af 39 kjördæmum borgarinnar, sem flokkurinn sagði óskiljanlegt.