Hazard skoraði í hundraðasta landsleiknum

Belgar unnu öruggan sigur á Kýpur í undankeppni EM 2020 í kvöld. Pólverjar höfðu betur gegn Lettum og Norður-Írland vann Hvíta-Rússland.

Eden Hazard spilaði sinn 100. landsleik fyrir Belga og hann var á meðal markaskorara í þægilegum 2-0 sigri á Kýpur ytra.

Það tók Hazard aðeins tíu mínútur að setja mark sitt með skoti úr teignum. Michy Batshuayi skoraði átta mínútum seinna og þar við sat í leiknum.

Belgar eru því með fullt hús eftir tvær fyrstu umferðir undankeppninnar.

Það tók Pólverja 76 mínútur að skora á heimavelli gegn Lettlandi, liði sem situr í 131. sæti heimslistans.

Robert Lewandowski gerði fyrsta mark Póllands með skalla og Kamil Glik bætti öðru marki við á 84. mínútu.

Pólland var með mikla yfirburði í leiknum, enda liðið sem er á pappírnum sterkast í riðlinum, en þurfti að sætta sig við 2-0 sigur.

Norður-Írland er á toppi C-riðils eftir sigur á Hvíta-Rússlandi í Belfast.

Jonny Evans kom heimamönnum yfir eftir hálftíma leik en Igor Stasevich jafnaði þremur mínútum seinna.

Sigurmarkið gerði Josh Magennis eftir fyrirgjöf Paddy McNair á 87. mínútu.

Úrslit dagsins:

C-riðill:

Norður-Írland - Hvíta-Rússland 1-1

Holland-Þýskaland 2-3

E-riðill:

Wales - Slóvakía 1-0

Ungverjaland - Króatía 2-1

G-riðill:

Pólland - Lettland 2-0

Ísrael - Austurríki 4-2

Slóvenía - Makedónía 1-1

I-riðill:

Kasakstan - Rússland 0-4

San Marínó - Skotland 0-2

Kýpur - Belgía 0-2