Magnús Óli og Viktor Gísli valdir í A-landsliðið

Guðmundur Guðmundsson, þjálfari íslenska karlalandsliðsins í handbolta, hefur valið tuttugu manna hóp fyrir næsta verkefni.

Íslenska landsliðið spilar tvo leiki við Norður-Makedóníu í undankeppni EM 10. og 14. apríl næstkomandi.  Ísland hefur fjögur stig á toppi riðilsins en Norður-Makedóníu er í 2. sæti með 4 stig.

Guðmundur kallar á tvo leikmenn sem hafa spilað frábærlega í Olís-deildinni að undanförnu eða Valsmanninn Magnús Óli Magnússon og Framarinn Viktor Gísli Hallgrímsson. Haukamaðurinn Heimir Óli Heimisson, var nálægt liðinu í janúar en kemur nú inn í liðið.

Viktor Gísli Hallgrímsson er einn af fjórum markvörðum í hópnum en þar eru einnig Björgvin Páll Gústavsson, Aron Rafn Eðvarðsson og Ágúst Elí Björgvinsson.

Guðmundur velur bara tvo vinstri hornamenn í liðið og það þýðir að Stefán Rafn Sigurmannsson er ekki með í þessu verkefni en þeir Guðjón Valur Sigurðsson og Bjarki Már Elísson eru inni.

Teitur Örn Einarsson, sem kom inn í íslenska liðið á síðustu stundu fyrir HM í janúar, heldur sæti sínu í liðinu og er hægri skytta ásamt Ómari Inga Magnússyni.

Íslenski hópurinn lítur þannig út:

Markmenn:

Aron Rafn Eðvarðsson 220/ 13

Ágúst Elí Björgvinsson 26/0

Björgvin Páll Gústavsson 220/13

Viktor Gísli Hallgrímsson 4/0

Vinstra horn:

Bjarki Már Elísson 57/125

Guðjón Valur Sigurðsson 352/1841

Vinstri skytta:

Aron Pálmarsson 135/522

Ólafur Guðmundsson 109/200

Leikstjórnendur:

Elvar Örn Jónsson 20/61

Haukur Þrastarsson 8/9

Magnús Óli Magnússon 5/5

Hægri skytta:

Ómar Ingi Magnússon 44/118

Teitur Einarsson 12/10

Hægra horn:

Arnór Þór Gunnarsson 101/286

Sigvaldi Guðjónsson 14/29

Línumenn:

Arnar Freyr Arnarsson 42/62

Heimir Óli Heimisson 6/9

Ýmir Örn Gíslason 27/12

Varnarmenn:

Daníel Þór Ingason 26/9

Ólafur Gústafsson 39/48