Eggert skoraði í öðrum sigri SönderjyskE í röð

Eggert Gunnþór Jónsson skoraði í 3-1 sigr SönderjyskE á Esbjerg í dönsku úrvalsdeildinni í dag.

Þetta var annar sigur SönderjyskE í röð. Eggert lagði upp eitt marka liðsins í 3-0 sigri á Randers í síðustu umferð.

Staðan í hálfleik í leiknum í dag var 1-1. Á 60. mínútu skoraði Eggert með góðu skoti og kom SönderjyskE yfir. Hann var tekinn af velli á 85. mínútu. Tveimur mínútum síðar kom Danny Amankwaa SönderjyskE í 3-1 sem urðu lokatölur leiksins.

Eggert og félagar eru í 11. sæti deildarinnar með 28 stig. Næsti deildarleikur SönderjyskE er gegn Midtjylland eftir viku.

Eggert hefur leikið 19 deildarleiki með SönderjyskE á tímabilinu og skorað tvö mörk.