Heimilt að breyta merki KSÍ

Lagaákvæði um merki KSÍ var breytt á ársþingi sambandsins í dag og orðalag þess um útlit fjarlægt. Það gerir stjórn KSÍ þar af leiðandi heimilt að breyta útliti merkisins, sé vilji til þess.

Áður var útlit merkis KSÍ lýst í lögum: „[...] sýnir fánaveifu og knött fyrir ofan KSÍ skammstöfunina. Merkið er í íslensku fánalitunum, grunnurinn er hvítur, bókstafir bláir, fánaveifa blá, hvít og rauð, og knöttur blár og hvítur.“

Þessi hluti greinarinnar hefur nú verið fjarlægður og hljómar grein 1.3 í lögum KSÍ eftir breytinguna nú svo:

„Merki KSÍ er eign KSÍ og verndað af vörumerkjarétti. Merki KSÍ er íslensku fánalitunum.“