Frank Adonis látinn

Leikarinn og leikstjórinn Frank Adonis er látinn 83 ára að aldri eftir langvarandi heilsubrest. TMZ greinir frá.

Eiginkona hans staðfestir í samtali við miðilinn að leikarinn hafi látist á miðvikudag. Hann hafi þjáðst af nýrnaveikindum síðustu ár og hafi verið í blóðskilun. Hann hafi verið í öndunarvél síðustu daga en fjölskyldan hafi ákveðið að slökkva á vélunum eftir jóladag. 

Adonis var þekktastur fyrir hlutverk sitt sem Anthony Stabile í stórmyndinni Goodfellas. Þá lék hann einnig í myndum á borð við Raging Bull og Ace Ventura. Leikarinn leikstýrði einnig myndinni One Deadly Road árið 1998.