Ferðir Strætó raskast á Suðurnesjum og Norðvesturlandi

Röskun er á ferðum Strætó á Suðurnesjum og Norðvesturlandi í dag vegna veðurs. Gul viðvörun er á landinu í dag.

Í tilkynningu frá Strætó segir að röskun verði á eftirfarandi leiðum:

- Leið 57 sem ekur frá Reykjavík til Akureyrar fer ekki lengra en á Akranes í bili. Eins og staðan er núna falla einnig ferðir niður frá Akureyri til Reykjavíkur.

- Ferðir með leið 55 milli Reykjavíkur og Keflavíkurflugvallar falla niður eins og staðan er núna.

„Stjórnstöð Strætó mun upplýsa almenning um þróun mála í dag á heimasíðu Strætó og á Twitter síðu Strætó,“ segir í tilkynningunni.