Börnin í Vík bræddu sveitarstjórnina með bréfi

Börn í Mýrdalshreppi náðu að bræða sveitarstjórn með því að senda bréf með undirskriftum sínum þar sem þau óska eftir því að sveitarfélagið kaupi Ærslabelg sem verður settur niður á svonefndum Guðlaugsbletti í Vík.

 

Sveitarstjórn fagnaði bréfinu á síðasta fundi sínum og samþykkti að jafna öll veitt framlög til söfnunar á Ærslabelg, allt að einni milljón króna og kosta uppsetningu hans.

 

 

„Það var það eitt af mínum fyrstu verkum hér í Vík að taka á móti hópi barna sem komu með þetta skemmtilega bréf. Frábært framtak hjá þeim, sem við ætlum að koma til móts við, en vildum jafnframt láta þau eiga svolítið í honum líka og þess vegna hvetja þau til að leggja hendur á plóg fyrri söfnun á belgnum“, segir Þorbjörg Gísladóttir, nýráðin sveitarstjóri Mýrdalshrepps.