Lögreglan leitar ökumanns vegna áreksturs

Lögreglan á höfuðborgarsvæðinu leitar ökumanns silfurlitaðrar Audi fólksbifreiðar, sem lenti í árekstri við ljósgráan Peugeot á Reykjanesbraut í Hvassahrauni skömmu fyrir miðnætti í gærkvöldi. Þetta kemur fram í tilkynningu frá lögreglunni en umferðaróhappið var tilkynnt klukkan 23:47.

„Peugeot bifreiðinni, sem er mikið skemmd, var ekið vestur Reykjanesbraut þegar áreksturinn varð og hafnaði hún utan vegar. Tveir voru í bílnum og voru báðir fluttir á slysadeild til aðhlynningar. Ökumaður Audi bifreiðarinnar skeytti í engu um áreksturinn og ók rakleiðis af vettvangi, en talið er að ökutækið sé með evrópskt bílnúmer.

Þeir sem búa yfir vitneskju um silfurlitaða Audi bílinn og ökumann hanseru vinsamlegast beðnir um að hafa samband við Lögregluna á höfuðborgarsvæðinu í síma 444-1000. Upplýsingum má einnig koma á framfæri í tölvupósti á netfangið helgig@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu, en lögreglan hvetur jafnframt ökumanninn til að gefa sig fram,“ segir í tilkynningu lögreglu.