Elías Már á skotskónum í sigri Gautaborgar

Elías Már Ómarsson skoraði seinna mark Gautaborgar í 2-0 sigri á Örebrö í sænsku úrvalsdeildinni í fótbolta.

Giorgi Kharaishvili kom heimamönnum í Gautaborg yfir á 29. mínútu stuttu eftir að Nordin Gerzic fékk rautt spjald á 23. mínútu. Gestirnir voru því manni færri stærstan hluta leiksins.

Elías Már byrjaði leikinn á bekknum en hann kom inn á 73. mínútu og gulltryggði sigur heimamanna með marki í uppbótartíma.

Arnór Ingvi Traustason var í byrjunarliði Malmö sem gerði 1-1 jafntefli við Östersunds.

Óttar Magnús Karlsson kom inn á undir lok leiks Trelleborgs og Dalkurd. Leikurinn endaði með 2-2 jafntefli.