Júróvisjónstjarna fannst látin í bíl sínum

Vlatko Ilievski, fulltrúi Makedóníu í Júróvisjónsöngvakeppninni árið 2011, fannst látinn í bíl sínum í gærmorgun. Hann var 33 ára gamall en lögreglan í höfuðborginni Skopje rannsakar nú dánarorsökina.

Sagt er frá andláti Ilievski á vefsíðunni EuroVisonary sem vísar til frétta í Makedóníu. Lík hans hefur verið sent til krufningar.

Ilievski tók þátt í söngvakeppninni árið 2011 með lagið „Rusinka“. Hann hafði í sextánda sæti á öðru undanúrslitakvöldinu og komst ekki á lokakvöld keppninnar.