SNL gerir stólpagrín að storminum í lífi Trump

Bandaríski grínþátturinn Saturday Night Live gerði í gær stólpagrín að Donald Trump og þeim vandræðum sem hann hefur lent í að undanförnu.

Hver stjarnan á fætur annarri tók þátt í atriðinu en meðal þeirra sem komu fram voru auðvitað Alec Baldwin sem Trump sjálfur, Scarlett Johansson og Jimmy Fallon sem léku hjónin Ivönku Trump og Jared Kushner. Ben Stiller lék lögfræðinginn Michael Cohen.

Þá vakti athygli að klámmyndaleikkonan Stormy Daniels, sem barist hefur við lögfræðinga Trump eftir að hún greindi frá því að hún og Trump hafi átt í ástarsambandi, leikur sjálfa sig í atriðinu.

„Ég veit að þú trúir ekki á loftslagsbreytingar, en stormurinn er á leiðinni, elskan,“ segir hún við Trump.

Atriðið í heild sinni má sjá hér fyrir neðan.