Kristján Flóki skoraði í tapi

Sjö leikjum er nýlokið í norsku úrvalsdeildinni í fótbolta en aðeins tveir Íslendingar voru í eldlínunni að þessu sinni.

Kristján Flóki Finnbogason skoraði eina mark Start í 1-4 tapi gegn Sandefjord. Kristján Flóki kom Start yfir snemma leiks en svo fór heldur betur að halla undan fæti hjá liðinu. Kristján lék allan leikinn og hefur nú skorað í tveimur fyrstu leikjum Start á tímabilinu.

Samúel Kári Friðjónsson kom inn á í hálfleik hjá Valerenga þegar liðið steinlá fyrir Sarpsborg 3-0. Staðan 2-0 þegar Samúel Kári kom inná.