Svona verða undanúrslitin í Olísdeild kvenna

Lokaumferð Olísdeildar kvenna fór fram í dag og þá varð ljóst að Valur varð deildarmeistari þetta tímabilið og verður því með heimavallarrétt út úrslitakeppnina sem er nú handan við hornið.

Valur vann sigur á Haukum en á sama tíma hafði Fram, sem hefur verið á mikilli uppleið, betur gegn ÍBV.

Þessi sömu lið munu einmitt mætast aftur í undanúrslitum úrslitakeppninnar - Valur gegn Haukum og Fram gegn ÍBV.

Þrjá sigra þarf til að komast í lokaúrslitin um titilinn en undanúrslitin hefjast þann 3. apríl. Allir leikirnir í úrslitakeppni Olísdeildar kvenna verða sýndir í beinni útsendingu á Stöð 2 Sport.