Sunna komin í endurhæfingu

„Ég talaði við Sunnu í gær og hún er byrjuð í sinni endurhæfingu á spítalanum í Sevilla og það er allavega mjög jákvætt skref fyrir hana,“ segir Páll Kristjánsson, lögmaður Sunnu Elviru Þorkelsdóttur, sem slasaðist alvarlega á Spáni um miðjan janúar.

Hún var flutt á annan spítala á Spáni skömmu fyrir helgi eftir langa bið eftir að komast í viðeigandi meðferð og endurhæfingu. Páll segir enn ekkert komið út úr tilraunum íslenskra yfirvalda til að fá farbanni Sunnu aflétt en að lögreglan á höfuðborgarsvæðinu vinni að málinu.