Ölvaður maður reyndi að sparka upp hurð í þrjá tíma áður en hann kveikti á perunni

Það kannast eflaust sumir við það að upplifa ákveðin dómgreindarbrest undir áhrifum áfengis.

Eitt vinsælasta myndbandið á veraldarvefnum um þessar mundir er af ungum Rússa sem var fastur inni í herbergi í þrjár klukkustundir.

Atvikið átti sér stað í bænum Balashikha, rétt vestur af Moskvu í Rússlandi. Maðurinn er greinilega mjög ölvaður og reynir hann að sparka upp hurð í þrjár klukkustundir, eða þar til að hann kemst að því hvernig hægt sé að opna hurðina á mjög auðveldan máta eins og sjá má hér að neðan.