Jeremy Clarkson kynnir nýtt fyrsta farrými hjá Emirates

Flugfélagið Emirates hefur nú kynnt til sögunnar glænýjar aðstæður í fyrsta farrými í Boeing-vélum þeirra og minnir það í raun frekar á hótelherbergi en flugsæti.

Fyrsta farrýmið er þitt eigið herbergi inni í vélinni þar sem hægt er að horfa á 32 tommu sjónvarp, borða dýrindis mat og sofa við mikil þægindi.

Daily-Mail greinir frá þessu en flugmiðinn kostar um 7000 pund eða því sem samsvarar tæplega einni milljón króna.

Flugfélagið kynnti þessa nýjung á dögunum með laglegum myndböndum sem sjá má hér að neðan. Sjónvarpsmaðurinn góðkunni Jeremy Clarkson kynnti farrýmið til leiks.