Coutinho gæti spilað gegn Sevilla

Philippe Coutinho gæti komið við sögu þegar Liverpool mætir Sevilla í Meistaradeild Evrópu á miðvikudag. Þetta sagði hann í viðtali sem birtist á heimasíðu Liverpool.

Coutinho sneri aftur til Liverpool eftir landsleikjafríið þar sem hann kom tvívegis við sögu sem varamaður í liði Brasilíu. Hann var ekki í hópi liðsins sem steinlá fyrir Mancehster City um helgina, 5-0.

Brasilíumaðurinn var sagður vilja fara frá Liverpool í sumar og til Barcelona sem gerði þrjú tilboð í hann. Öllum var hafnað.

Opinbera skýringin þó á fjarveru Coutinho í upphafi leiktíðar var bakmeiðsli. Hann er nú leikfær á nýjan leik.

„Okkur fannst best að gefa honum 3-4 daga af alvöru æfingum og svo kemur hann til greina hjá okkur, sem eru frábærar fréttir. Phil er frábær leikmaður og vonandi getum við notað hann eins fljótt og mögulegt er,“ sagði Klopp.