Stjarnan náði ekki að skora í Grindavík

Grindavík og Stjarnan skildu í kvöld jöfn í markalausum leik suður með sjó í fyrsta leik Pepsi-deildar kvenna eftir EM-fríið.

Landsliðskonurnar Agla María Albertsdóttir, Harpa Þorsteinsdóttir og Katrín Ásbjörnsdóttir voru allar í byrjunarliði Stjörnunnar í kvöld sem og Gemma Fey, markvörður skoska landsliðsins.

Stjörnukonur komust nokkrum sinnum nálægt því að skora í leiknum en allt kom fyrir ekki.

Stjarnan er í öðru sæti deildarinnar með 26 stig, fimm stigum á eftir toppliði Þórs/KA en Grindavík er í sjötta sætinu með þrettán stig.